Þyrluflugmaðurinn

Nei ég að blogga...ha?

Tue, 04 Sep 2007 22:29:14 GMT

Haldiði að mín hafi bara ekki vaknað loksins til blogglífsins... ekki seinna að vænta!

Jæja það sem er helst í fréttum er það að Inga var hjá mér í 2 vikur og ég get sagt ykkur það að við skemmtum okkur alveg frábærlega. Við fórum að versla, í partý, til Miami, til Key Largo að snorkla, út að borða á hverju kvöldi (næstum því), út í sundlaug í sólbað og svo í enn fleiri partý!!:lol: En núna er Inga mín búin að yfirgefa mig og það er bara allt of sorglegt... en ég þarf vonandi bara að bíða þangað til í Október eftir að fá hana aftur til mín, jább:D

Haldið þið svo ekki að skvísan sé bara komin með sóló á þyrlu (farin að fljúga alveg ein) sem er alveg geggjað, smá scary fyrst en það vandist af manni. Núna flýg ég cross country á fullu, (þá fer maður á annan flugvöll) búin að lenda á Merlbourne, Kissimmee, Daytona Beach og Orlando Executive flugvöllunum, ekki svo slæmt ha?8)

Svo er ég búin að fara í fyrsta næturflugið, sem var nú heldur spes en þó þvílíkt fjör. Fór til Daytona Beach sem er hérna rétt hjá, notaði flight following alla leiðina, þá er manni leiðbeint af af gaurum frá Orlando Approach í gegnum radíóið alla leiðina.... mjög gaman hehe. Ég flaug einmitt í þeirri ferð í fyrsta skiptið yfir Summerhill þar sem ég bý, og þrátt fyrir myrkrið sá ég glitta í litla (stóra) gula húsið mitt :D

Á föstudaginn mun MEBA fjölskyldan svo mæta til Flórída sem er bara gaman, alltaf svo æðislegt að hitta fólk frá Íslandinu góða... Svo er Evu strax boðið í partý á laugardagskvöldinu annað er auðvitað ekki hægt, hana mun sko ekki skorta skemmtun meðan hún er hér í hitanum hjá mér;) Hlakka til að sjá þig skvís.... og Bjössa og Þurí og Ágúst Mána:D

Jæja verð að fara að plana flugið mitt í fyrramálið, ætla að henda mér til Melbourne og kannski líka til Kissimmee þannig að það er nóg um að vera, jebberíjebb.

Kveð þá í bili....

Sibba

Jæja

Fri, 01 Jun 2007 00:14:14 GMT

Er búin að setja inn nokkrar nýjar myndir... Endilega kíkja á!

Loksins!

Thu, 10 May 2007 02:44:44 GMT

Hæ öll sömul. Loksins bloggar skvísan í ameríkunni.... Þið verðið að afsaka biðina bara búið að vera úúber mikið að gera hjá mér, og svo byrjaði skólinn seinasta mánudag þannig að frítíminn styttist bara ef eitthvað er.

En allavegana... Skólinn er æði, kennararnir mjög góðir og krakkarnir (og fullorðnafólkið ;)) í bekknum eru mjög fínir. Við erum semsagt 17 í bekknum og þar af 2 stelpur og 1 kona (39ára), Hollendingar eru yfirráðandi í bekknum eða 5 alls og svo komum við Íslendingarnir fast á eftir og erum 3.

Húsið er geðveikt, það er á þremur hæðum, bílskúrar á fyrstu hæð, stofurnar, eldhúsið, klósett, þvottaherbergið og fleira á annari hæð, svo eru svefnherbergin og baðherbergin á 3ju hæð. Semsagt RISA stórt!! Núna rétt áðan þá náðu strákarnir í hverfinu loksins að koma upp 65" sjónvarpinu hans Sigurgeirs upp stigana og inn í stofuna, þannig að nú lítur hún meira út eins og bíósalur heldur en hin hefðbundna stofa. (Stiginn okkar stendur eftir handriðalaus og með flagnaða málingu, en allt fyrir bíósal:D). Einnig kom vinur hans frá Hollandi áðan og eldaði dýrindis kvöldmat handa okkur og vorum við mjög þakklát fyrir það, jamm alltaf verið að dekra við mann hérna.... Takk Johan :D

Annars er næst á dagskrá að drífa í því að kaupa stafræna myndavél svo ég geti farið að henda inn myndum hérna fyrir ykkur, svona nokkrum af okkur krökkunum í fallega skólabúningnum okkar 8) Einnig ætlum við að hafa júróvísjon partý á morgun og á laugardaginn, svona þar sem við erum örugglega með stærsta sjónvarpið í hverfinu er engin hætta á að einhver sjái ekki á það :haha:

Jæja þá kveð ég.... Áfram Eiríkur Hauks:!:

P.S. Ætla að deila með ykkur ljóði sem Inga setti inn á comments hjá mér, það er snilld

Einn Dr. Seuss fyrir þig!

You ll be on your way up!
You ll be seeing great sights!
You ll join the high fliers
who soar to high heights.

Dr. Seuss

Flórída!!!

Tue, 01 May 2007 01:47:52 GMT

Jæja þá er komið að því... Rétt rúmir 15 tímar í að mín verði sest í eina þotu frá Icelandair á leið til Flórída á vit ævintýra og náms! Ég held að ég sé búin að gera allt sem ég þurfti að gera fyrir ferðina, en dagurinn í dag var samt mjög stressandi, mér fannst alltaf eins og ég væri að gleyma einhverju. Ekki skemmtilegasta tilfinning í heimi8|

En þá vil ég bara enda á að kveðja alla sem ég skil eftir hér á fróninu og segja ykkur að ég mun sakna ykkar svoooona mikið og ég elska ykkur öll :cry: Svona til að vera smá væmin ;) Já og takk fyrir allar flottu kveðjugjafirnar... þær voru æði :haha:

Reyni svo að blogga um leið og ég kem út og henda inn nokkrum myndum.

Luv

Sibba

Listflug

Mon, 02 Apr 2007 22:24:25 GMT

Haldiði ekki að mín sé loksins búin að prófa listflug.... Fór í dag með Sigga á vélinni hans, sem er hér til hliðar, og verð bara að segja að þetta er alveg svakalegt! Ég fór á hvolf, í hringi, í lúpur og í alskonar snúninga. Einnig flugu við lágflugi yfir mosfellsbæjar flugbrautina og það kom svaka reykur eftir okkur og alles. Vil taka það fram að það er ekkert yfir farþegaklefanum þannig að það eina sem heldur manni í vélinni eru beltin, hausinn er undir beru lofti, en það er náttúrulega bara enn skemmtilegra:haha:

Svo fékk ég að fljúga tryllitækinu, var alveg svaka töffari8) Gleymdi samt að fylgjast með hæðinni, allt í einu sá ég ekki neitt og þá vorum við víst komin inní skýin og Siggi minnti mig á að það væru ekki blindflugsmælar í vélinni n:D

Jæja nú verða allir að fara og prófa listflug, mæli hiklaust með því, VEL þess virði:!: Og svo verður það vonandi þyrluflug FÖSTUdaginn ÞRETTánda, segi ykkur auðvitað frá því hversu æðislegt það var strax eftir flugið, mont mont...:haha:

Bæjó

Boot Camp Vorfagnaður

Mon, 02 Apr 2007 19:50:13 GMT

Eva og ég skelltum okkur á boot camp vorfagnaðinn á laugardaginn, og skemmtum okkur konunglega. Kvöldið byrjaði kl.18.00 í fyrirteiti hjá Guðnýu, sem er með okkur í hóp, þar sem við hittumst og fengum okkur snarl og fordrykki. Á slaginu 20.00 var haldið á Lídó þar sem 400 boot camp félagar og þjálfarar voru saman komnir til að snæða á 3ja rétta dýrindis kvöldverði og dansa framm í rauðan dauðan ;) Skemmtiatriðin voru ekki af verri endanum og þá má helst nefna Stebba og Eyva, hljómsveit í grímubúningum og skemmtanastjóra úr strákunum. Eftir fjörugan dans héldum við Eva á Ólíver að hitta Ingu, Þórunni og Sissa, þar stoppaði sú gamla (ég) í heilar 15 mín. og dreif sig svo heim sökum þreytu 8|

Einnig var 25 ára afmælisveisla hjá henni Tótu sama kvöld og þykir mér miður að hafa ekki komist, sorrý elsku Þórunn og innilega til hamingju með daginn.

Jæja bless

Ég sé....

Fri, 30 Mar 2007 19:54:30 GMT

Mín er bara búin í aðgerðinni og allt gekk bara ofboðslega vel. Núna tæpum 4 tímum eftir aðgerðina sér ekki á stelpunni, engin sviði, engin óþægindi, ekki einu sinni rauð augu...

Aðgerðin tók heilar 15 mín. skil ekki hvernig hægt sé að laga margrar ára sjónskekkju á svona fáránlegum stuttum tíma... allt er víst hægt í dag :lol:

Bara á meðan ég er að skrifa þetta finn ég hvernig sjónin batnar með hverri mínútunni, bráðum verð ég komin með ofursjón og ekki má gleyma bættri nætursjón sem augnlæknirinn henti með í pakkann.

Ég, Magndís og Inga fór á Hverfis í gær að hlusta á hana Berglindi mína syngja með "hljómsveitinni" The Hlynur Ben Prodject. Alveg rosalega flott hjá skvísunni, hún söng auðvitað eins og engill eins og vænta mátti. Tónleikarnir voru haldnir í tilefni af glænýrri plötu sem Hlynur(fyrrverandi sambýlingur Berglindar og Hafþórs frá því á Laugarveginum) er að fara gefa út og voru þeir bara hin fínasta skemmtun.

En jæja ætla að fara að horfa á sjónvarpið... með engin gleraugu :haha:

Bæ

Lazeraðgerð

Fri, 30 Mar 2007 13:46:22 GMT

Fyrir ykkur sem ekki vita þá er ég að fara í lazeraðgerð á augunum núna eftir 40 mín. Shit ég er geðveikt kvíðin en samt líka geðveikt spennt! Svaf sama og ekkert í nótt.... hræðilegt, komst ekki í boot camp :(

En jæja næst þegar ég skrifa færlsu verð ég komin með fullkomna sjón, vúhú 8|

Kveð að sinni

SIbba nætursjón

Summerhill

Thu, 29 Mar 2007 02:43:28 GMT

Jæja þá erum við Sandra búnar að velja hvar við viljum búa... Fyrir valinu varð Summerhill sem er svona lokað svæði með öllum lúxus. Þar má nefna sundlaug í garðinum, bbq grill svæði, clubhouse með bar ;) og margt, margt fleira.

Við munum búa í 93 m2 íbúð, þar sem við fáum sér baðherbergi á mann, þvílíkur lúxus! Íbúðinni fylgir uppþvottavél, þvottavél, þurrkari, sjálfhreinsandi ofn, örbylgjuofn... osv.fr.

Er þetta ekki bara það flottasta í geymi...ha!

Það eru auðvitar allir velkomnir í heimsókn, því fleiri því betra:P

Verð að fara, þarf að vakna kl.9 til að fara í listflug (ef veður leyfir)

Out

Sé glitta í framtíðina...

Thu, 29 Mar 2007 02:28:58 GMT

Skrifað 25.jan.2007

Jæja frá því að ég bloggaði seinast hefur SVOOO margt gerst!!
Það sem stendur upp úr er að mín komst inn í hinn frábæra þyrluskóla Helecopter Adventure Inc :haha: Ég er búin að vera 2 vikur að jafna mig á þessum gleðitíðindum og áttaði mig eiginlega ekki á því að ég væri að fara fyrr en ég keypti farið, (litlar 66.000kr.) fer semsagt 1 Maí og kem aftur í jólafrí 22. Desember.
Ekki málið með að ég hafi komist inn heldur þá komst Sandra líka.... gæti ekki verið betra, nú hef ég einhvern til að leigja með og djamma og versla og allt það sem stelpur eru duglegar í að gera8) Svo nú verða allir bara að vera duglegir að koma í heimasókn!!
Ég er farin að finna lyktina af því að verða þyrluflugmaður og er alveg að deyja úr spenningi, veit ekki hvernig ég fer að því að bíða í 3 mánuði eftir að komast út....
Svo að þið getið verið með mér í huganum á meðan ég er að fljúga út, ætla ég að setja inn mynd af einni kennsluvélinni sem ég mun verja miklum tíma á....

Núna vil ég óska íslenska landsliðinu í handbolta til hamingju með árangurinn á HM!!
Áfram strákar, ég veit að þið takið þetta í nefið. Er með ykkur í blíðu og stríðu ;)

Jæja ætla að fara að læra undir nýja skólann minn...

See ya

Þyrluskólinn í Flórída

Thu, 29 Mar 2007 02:07:48 GMT

Skrifað 09.jan.2007

Mín var að sækja um í þyrluflugskóla úti í Flórída, Helicopter Adventure Inc. Og viti menn óheppnin heldur áfram að elta mig, biðlistar í námskeiðið sem mig langar í ná fram til Janúar á næsta ári, sem sagt 2008!! :^) Ég fór að hálfgráta þegar ég frétti það :cry: en náði þó að troða mér á þá, þ.e.a.s. fyrir Maí og September námskeiðin. (Þetta er kennt 3 X á ári).
Ætla núna bara að fara að vinna í að klára flugtímana fyrir einkaflugið, ég og Siggi ætlum að reyna að fljúga sem fyrst (fer allt eftir veðrinu hversu mikið hægt er að fljúga þar sem það er ekki alltaf sem best hérna á Íslandi)
Og svo er auðvitað eitt LISTflug eða svo á leiðinni 8)

See ya

Þyrla, hver myndi ekki vilja fljúga þyrlu?

Thu, 29 Mar 2007 01:55:26 GMT

Skrifað 12.des.2006

Jæja þá er ég búin að fara í fyrsta þyrlutúrinn með landhelgisgæslunni, og ég get bara ekki sagt annað en að það hafi verið æðislegt!!!
Minni var skellt í skær appelsínugulan flotgalla, risa hjálmi með næturkíki og alles var skellt ofan á hausinn á mér og svo héldum við 4 karlmenn og einn kvennmaður um borð í þyrluna...
Ég byrjaði á að sitja frammí hjá flugmönnunum til að fylgjast með í flugtaki, reyndi að glugga á hvernig þeir fóru að þessu öllu saman sem gekk misvel, og svo þegar komið var á æfingarsvæðið fór ég aftur í til að fylgjast með hífingunum.
Byrjað var á að láta mann síga niður í skip landhelgisgæslunnar og svo voru börur látnar síga, eftir það var híft manninn upp aftur. Þetta var gert tvisvar sinnum, einnig átti að vera fleiri æfingar en hætt var við þær vegna þess að björgunarbáturinn sem nota átti festist í bauju eða beyju... náði því ekki alveg:lol: Svo fór ég aftur frammí til að fylgjast með lendingunni og þannig...

Þegar á jörðina var aftur komið skelltum við okkur á Búlluna og fengum okkur einn feitan hambó og spjölluðum um flug, frost, Frakkland, ísbirni8)
Vil enda á að þakka Sigga fyrir frábæran flugtúr, og vona að ég geti komið með sem fyrst aftur :D

Jæja farinn að læra...
Kveð í bili